Zahe mukaddar Huzure Haq se Lyrics


Zahe mukaddar Huzure Haq se
Salam aaya Payam aaya
Jukao Nazrein bichhao palken
Adab ka ala makam aaya

Ye kaun sar se kafan lapete
Chala hai Ulfat ke Raste par
Farishte hairat se tak rahe hein
Ye Kaun Zi-Aheteram aaya




Faza mein labbaik ki sadayen
Za farsh ta arsh gunjati hein
Har Ek Kurbaan ho raha hai
Zaban pe ye Kis ka Naam aaya

Ye Rahe Haq hai sambhal ke chalna
Yahan hai Manzil Kadam Kadam par
Pahunchana Dar par to Kahena Aaqa
Salam lijiye Gulam aaya

Ye Kahena Aaqa bahot se Aashiq
Tadap te se chhod aaya hun Mein
Bulawe ke Muntazir hein lekin
Na Sub'ha aaya na Sham aaya

Dua jo nikli thi Dil se aakhir
Palat ke maqbool ho ke aayi
Wo Jazba Jismein tadap thi sachi
Wo Jazba akhir ko kaam aaya

Khuda Tera Hafizo Nigaheban
Oh rahe bat'ha ke jaane wale !
Naweed e sad Imbisat ban kar
Payame Darudo-salam aaya

Zahe mukaddar Huzur e Haq se
Salam aaya payam aaya
Jukao Nazrein bichhao palken
Adab ka ala makam aaya

Comments

Facebook Page

Popular Naat Lyrics

Allahumma Salle Ala Sayyidina Wa Maulana Muhammadin Lyrics

Shahe Do alam Salam Assalam Lyrics

Ya Rabbe Mustafa Tu Muje Hajj pe bula Lyrics || Hafiz Tahir Qadri