Mustafa Jaane Rehmat Pe Lakhon Salam

Mustafa Jaan-e-Rehmat pe lakhon Salam
Sham'a-e-Bazme hidayat pe lakhon salam

Mehre Charkhe Nabuvat pe Roshan Durud
Gule baage Risalat pe lakhon salam

Shahr-e-yaare Iram tajdar-e-Haram
NoBahar-e-Shafa'at Pe lakhon Salam

Shab-e-Asra ke Dulaha pe daeem Durud
Nosha-e-bazme Jannat pe lakhon Salam

Fath-e-Babe Nubuvvat pe Be had Durud
Khatme Dore Risalat pe Lakhon Salam

Muj se be kas ki daulat pe lakhon Durud
Muj se be bas ki kuvvat pe lakhon Salam

Ham Garibon ke Aqa pe be had Durud
Ham Fakiron Ki sarvat pe lakhon Salam

Dur o Nazdik ke Sun ne vaale vo kaan
Kaan-e-Laale karamat pe lakhon Salam

Jis ke sajde ko Mehrab-e-Kaaba juki
Un bhuon ki Latafat pe lakhon salam

Jis taraf uth gaee dam me dam aa gaya
Us nigah-e-inayat pe lakhon salam

Nichi nazron ki sharm o haya par Durud
Unchi bhini ki Rif'at pe Lakhon Salam

Patli Patli gul e Kuds ki pattiya
Un Labon ki nazakat pe lakhon Salam

Vo Zaban jis ko sab kun ki kunji kahe
Uski nafiz hukumat pe lakhon salam

Jiski Taskeen se rote hue hans pade
Us Tabassum ki aadat pe lakhon Salam

Jis ko baar-e-Do alam ki Parvah nahi
Ese baazu ki kuvvat pe lakhon Salam

Jis Suhani gadi Chamka Tayba ka chand
Us Dil afroz sa'at pe Lakhon Salam

Vo Dason Jin ko jannat ka muzda mila
Us mubarak Jama'at pe lakhon Salam

Ghaus-e-Azam Imamuttuka Vannuka
Jalva-e-Shan-e-Kudrat pe lakhon Salam

Jis ki Mibar hui gardan-e-Auliya
Us kadam ki karamat pe lakhon Salam

Ek Mera hi Rehmat pe dava nahi
Shah ki sari ummat pe lakhon Salam

Kaash mehshar me jab Unki amad ho aur
Bheje sab unki Shokat pe Lakhon Salam

Muj se khidmat ke kudsi kahe haa RAZA
Mustafa Jaane rehmat pe lakhon Salam

Comments

Facebook Page

Popular Naat Lyrics

Allahumma Salle Ala Sayyidina Wa Maulana Muhammadin Lyrics

Shahe Do alam Salam Assalam Lyrics

Wo jiske liye Mehfile Konain saji hai Lyrics