Maalik Ne Banae Saare Ye Dono Jaha Ke Nazare Kavvali Lyrics



Aae Lakho Payambar Jaha Mai Magar
Koi Allah Ko Itna Pyara Nahi
Arsh-e-Azam Pe Ek Mustafa Ke Siva
Fir Khuda Ne Kisi Ko Pukara Nahi

Jo Muhammad Ki Ulfat Ka Kaeel Nahi
Dono Aalam Mai Uska Guzara Nahi
Khud Khuda Vand-e-Alam Ne Farma Diya
Jo Nabi Ka Nahi Vo Hamara Nahi

Ye Muhabbat Akidat Hai Aehsaan Hai
Ye Navazish Meharbani Ye Shaan Hai
Meri Ummat Jahannam Ka Muh Dekhle
Ye Rsool e Khuda ko gavara nahi

Jafa Karne Vale Vafa Kab Karega
Bata To Sahi Faisala Kab Karega
Sehar Ho Chuki Iltija Kab Karega
Tu Sajde Mai Jaake Dua Kab Karega
Kaza Karne Vale Ada Kab Karega

Ibadat Khuda Ki Bata Kab Karega
Jo Vada Kiya Hai Vafa Kab Karega
Dilo Jaan Un Par Fida Kab Karega
Maraz Bad Raha Hai Dava Kab Karega


Maalik Ne Banae Saare Ye Dono Jaha Ke Nazare
Nabi Ke Vaasate ...... .......Nabi Vaasate ... ......

Allah Ne Dekho Utare Quraan Ke Teeso Paare
Nabi Ke Vaasate ...... .......Nabi Vaasate ... ......

Imaan Ke Ful Khilaaye Bharat Mai Khvaja Aaye
Nabi Ke Vaasate ...... .......Nabi Vaasate ... ......

Tu Hai Kareem Tujko Deta Hu Mai Sadayen
Sadke Mai Mustafa Ke Sun Meri Iltijaein

Adam Ne Jab Waseela Unko Bana Liya Hai
Sab Naam-e-Mustafa Ke Sadke Mai Paa liya
Makbool Hui Hai Duaein Barsi Rehmat Ki Gataein 

Nabi Ke Vaasate ...... .......Nabi Vaasate ... ......

Jibreel Aaye Aakar Di Aapko Salami
Ki arz ya Muhammad Ae be kason ke hami 

(Musibat se fursat nahi milne vali
Qayamat me rahat nahi milne vali
Agar dil me ishke muhammad nahi to 
chal hat namazon se jannat nahi milne vali
Namaz padta hai kail nahi vaseele ka
Tu apna kaam khilaf e usul karta hai
Aur jisko khayal e nabi rehta hai namazon me
Khuda usi ki namazen kubul karta hai
Agar imaan ka sadik tarina chhut jaega
Sadakat ruth jaegi madina chhut jaega
Are jinke naam se bezar hai kuchh log duniya me
Agar ehsan ginva du pasina chhut jaega)


Jibreel Aaye Aakar Di Aapko Salami
Ki arz ya Muhammad Ae be kason ke hami 
Ke apka jaha me sani hai aur na saya
Hai apko khuda ne meraj me bulaya
Khalik ne noor lutaya Aur arshe bari ko sajaya

Nabi Ke Vaasate ...... .......Nabi Vaasate ... ......

Duniya ka zarra zarra unke liye bana hai
Vo hai khuda ke pyare un par fida khuda hai
Dono jaha me afzal unka hi martaba hai
Alllah ke baad goya ek naam e mustafa hai
Esa unka rutba hai Allah bhi be parda hai

Nabi Ke Vaasate ...... .......Nabi Vaasate ... ......

Meri zindagi nabi se meri bandagi nabi se
Ye khuda bhi keh raha hai meri har khushi nabi se

(Nabi ke naam me vehdaniyat ki khushbu hai
Nabi ke naam me hakkaniyat ki khushbu hai
Nabi ke nam e mubarak me fazl e izzat hai
Aur nabi ka naam nabuvvat ki akhri had hai
Nabi ka naam hi kanoon hai ilahi ka
Nabi ka naam hi ek josh hai sipahi ka
Nabi ka naam hi aaena e sadakat hai
Aur nabi ka naam hi insaf ki zamanat hai
Ye naam dil ke haram me diye jalata hai
Ye naam Zehan ki tarikiya mitata hai
Ye naam noor hai aejaz hai kabeera hai
Ye naam haq ke taffuz ka ek vasila hai
Nabi ke naam ka hai noor chand taron me
Nabi ke naam ki khushbu hai tees paron me
Nabi ka naam hi har qalb o jaa ki rahat hai
Nabi ka naam hi imaan ki alamat hai
Nabi ka naam hi mehshar me kaam aaega
Nabi ka naam hi ham sab ko bakhshvaega
Nabi ka naam dua bhi hai aur ibadat bhi
Nabi ka naam muhabbat hai aur rehmat bhi
Nabi ka naam vazifa hai mard e momin ka
Nabi ke naam ke sadke jaha me bat te hai
Nabi ke naam se badal ghamo ke jadte hai
Nabi ka naam mukaddas hai aur mukarram hai
Nabi ke naam ki meraj arsh e azam hai
Nabi ke naam ki azmat husain se puchho
Ali o fatima zahra ke chain se puchho
Nabi ka naam musalmaa bhula nahi sakte
Nabi ke naam ko dushman mita nahi sakte)

Meri zindagi nabi se meri bandagi nabi se
Ye khuda bhi keh raha hai meri har khushi nabi se
Pyare nabi ke sadke sab kuchh ata karunga
Sadke me mustafa ke daman tera bharunga
Tu deen ka banja gazi Allah bhi hoga razi

Nabi Ke Vaasate ...... .......Nabi Vaasate ... ......

Jin par falak nichhavar Kurban chand taare
Karbal me bhukhe pyase the vo ali ke pyare

(Khuddar zindagi ka takaza hai dosto
Ke jina nabi se sikho to Marna husain se sikho
Kyunke Pedaishi khuddar tha khuddar hi raha
Aur vo khuld ka sardar tha sardar hi raha
Sar de diya yazeed ko par diya na haath
Are jazbat se inkar tha inkar hi raha
Yazeed tu ye khuli baat bhi samaj na saka
Fasrishta kab kisi shayda ke sath me aata
Vo hath jise rasool e khuda ne chuma ho
Vo hath kab kisi na paak hath me ata
Tamam zulm teri zindagi pe tut pade
Sad afaree teri himmat pe tu nahi tuta
Aur husain kyu na ho jaan e namaz sajda tera
Teri sans to tuti vuzu nahi tuta
Ruh me karbala ki ahat hai
Mujko mehsoos jo rahe hai hussain
Suno suno Aaj ki raat jagna hai muje
Kyunki meri ankhon me so rahe hai hussain
Sailab dekhta hu to aata hai ye khayal
Ke paani bhatak raha hai talashe hussain ki 
Ahsas e karbala ka tuje ho jaega us din
Tanha kisi aziz ki mayyat ko uthate
Magar Chullu me leke fenk diya aab e mehar ko
Are Abbas ko farat ko pani pila diya
Bachake sholon se abid ko leke aayi hai
Kamar pe bhar e imamat utha ke layi hai
Are Ali ki beti ko juk kar salam kar islam
Kyunki teri amanaten ghar tak bacha kar layee hai)

Jin par falak nichhavar Kurban chand taare
Karbal me bhukhe pyase the vo ali ke pyare
Hai koi is tarha jo haq par fida hua hai
sajde me jiska sar bhi tan se juda hua hai
Shabbir ne sar ko kataya 
Bachpan ka vaada nibhaya 

Nabi Ke Vaasate ...... .......Nabi Vaasate ... ......







Comments

Post a Comment

Popular Naat Lyrics

Allahumma Salle Ala Sayyidina Wa Maulana Muhammadin Lyrics

Shahe Do alam Salam Assalam Lyrics

Ya Rabbe Mustafa Tu Muje Hajj pe bula Lyrics || Hafiz Tahir Qadri