Mere Tum Khwab mein Aao Lyrics


Mere Tum Khwab mein Aao Mere Ghar Roshni Hogi
Meri Qismat Jaga Jaao Inayat Ye Badi Hogi

Madine Mujko Aana hai Ghame Furkat Mitana hai
Kab Aaqa-e-Madina Dar Pe Meri Hazri hogi

Shahensha-e-Madina Do, Tadapne Ka Kareena Do
Wo Aankh Aaqa Inayat ho Ki Jo Ashkon bhari hogi

Banalo Apna Diwana Banalo Apna Mastana
Khazane mein Tumhare Kya Kami Pyare Nabi Hogi

Ghame Doori Rulata hai Madina Yaad Aata hai
Tasalli Rakh Aye Diwane Teri bhi Hazri hogi





Muje gar Deed ho Jaaye To Meri Eid ho Jaaye
Tera Deedar Jab hoga Muje Hasil Khushi Hogi

Khazan ka Sakht Pehra hai Ghamon ka dhup Andhera hai
Zara sa Muskura doge To Dil mein Roshni hogi

Ilahi Gumbade Khazra ke Saaye mein Sa'adat de
Meri Laash Unke Kadmon mein na jane Kab Padhi hogi

Hamein bhi Izn Mil jaaye Shaha Kadmon mein aane ka
Na Jaane Kab Madine mein Hamari Hazari hogi

Madina Mera ho Maskan Bakee-e-Paak ho Madfan
Meri Ummid ki Kheti Na Jaane Kab Hari Hogi

Tadap Kar Gham ke Maaron Tum Pukaro Ya Rasulallah
Tumhari Har Musibat dekhna Dam mein Tali Hogi

Agar Wo Chand se Chehre ko Chamkate Hue Aaye
Ghamon ki Shaam bhi Sub'he Bahara Ban gayi Hogi

Firishte aa chuke Sar par Bachalo Shafa-e-Mehshar
Chhupa Daman mein lo Sarwar Saza warna Kadhi Hogi

Gunahon par Nadamat hai Aur Ummide Shafa'at hai
Karam hoga Rihaee Naare Dozakh se Jabhi Hogi

Sare Mehshar Wo Jis Dam Jalwa-e-Zayba Dikhayenge
Faza Salle Ala Ya Mustafa se Gunjati Hogi

Wo Jaame Kausar Apne Haath se bhar kar Pilayenge
Karam se Door Mehshar mein Hamari Tishnagi Hogi

Mein Ban Jaaun Sarapa "Madani In'aamat" ki Tasweer
Banunga Nek Ya Allah Agar Rehmat Teri Hogi

Rahun Har Dam Musafir Kaash Madani Kafilon ka Mein
Karam Ho Jaaye Maula ! Gar Inayat Ye Badhi Hogi

Zaban ka Aankh ka Aur Pet ka Kufle Madina Tum
Laga Lo Warna Mehshar mein Pareshani Badhi Hogi

Mujhe Jalwa dikha dena Mujhe Kalma Padha dena
Ajal Jis Waqt Sar par Ya Nabi Mere khadi Hogi

Andhera Dhup Andhera hai Shaha Wahshat ka dera hai
Karam se Qabr mein Tum Aaoge To Roshni Hogi

Mere Markad mein Jab Attar Wo Tashrif  Layenge
Labon Par Naate Shahe Ambiya Us Waqt Saji Hogi

Comments

Post a Comment

Facebook Page

Popular Naat Lyrics

Allahumma Salle Ala Sayyidina Wa Maulana Muhammadin Lyrics

Shahe Do alam Salam Assalam Lyrics

Ya Rabbe Mustafa Tu Muje Hajj pe bula Lyrics || Hafiz Tahir Qadri