Ye Kehti thi Ghar Ghar mein Ja Kar Haleema Lyrics || Muhammad Anis Saba


Sahar ka Waqt tha Masoom kaliyan Muskurati thi
Hawaein Khair Makdam ke Tarane Gungunati thi
Abhi Jibreel bhi Utre na the Kaabe ke Mumbar se
Ke Itne mein Sada Aayi Ye Abdullah ke Ghar se

Mubarak ho Shahe Har Do Sara Tashreef Le Aaye
Mubarak ho Muhammad Mustafa Tashreef Le Aaye

Ye Kehti thi Ghar Ghar mein Ja Kar Haleema
Mere Ghar mein Khairul Wara Aa gaye hein

Uthi Chaar-soo Rehmaton ki Ghatayein
Muattar Muattar hein Sari Fazaein
Khushi mein Ye Jibreel Nagmein Sunaye
Wo Shafa-e-Roze Jaza Aa gaye hein





Ye Kehti thi Ghar Ghar mein Ja Kar Haleema
Mere Ghar mein Khairul Wara Aa gaye hein

Ye Zulmat se Keh do ke Dere Utha lein
Ke hein Har Taraf Ab Ujale Ujale
Kaha Jinko Haq ne Sirajun Muneera
Mere Ghar Wo Noore Khuda Aa gaye hein

Ye Kehti thi Ghar Ghar mein Ja Kar Haleema
Mere Ghar mein Khairul Wara Aa gaye hein

Ye Sun kar Sakhi Aapka Aastana
Hai Daman Pasare huye Sab Zamana
Nawason ka Sadqa Nigahe Karam ho
Tere Dar pe Tere Gada Aa gaye hein

Ye Kehti thi Ghar Ghar mein Ja Kar Haleema
Mere Ghar mein Khairul Wara Aa gaye hein

Mukarrab hein Beshak Khaleelo Najee bhi
Badhi Shaan wale Kaleemo Maseeh bhi
Liye Arsh ne Jinke Kadmon ke Bose
Wo Ummi Lakab Mustafa Aa gaye hein

Ye Kehti thi Ghar Ghar mein Ja Kar Haleema
Mere Ghar mein Khairul Wara Aa gaye hein

Nakeerain Jab Meri Turbat mein Aa kar
Kaheinge Ziyarat ka Muzda Suna kar
Utho Behre Tazeem Noorul Hasan Ab
Lahad mein Rasoole Khuda Aa gaye hein

Ye Kehti thi Ghar Ghar mein Ja Kar Haleema
Mere Ghar mein Khairul Wara Aa gaye hein

Comments

Popular Naat Lyrics

Allahumma Salle Ala Sayyidina Wa Maulana Muhammadin Lyrics

Shahe Do alam Salam Assalam Lyrics

Ya Rabbe Mustafa Tu Muje Hajj pe bula Lyrics || Hafiz Tahir Qadri