Skip to main content

Bhalai kar bhala hoga Burai kar bura hoga Lyrics


Bhalai kar bhala hoga Burai kar bura hoga
Koi dekhe na dekhe par Khuda to dekhta hoga

Ye gathri paap ki sar par liye firta hai kyun nadan
Bhalai se Tu munh ko mod kar baitha hai kyun nadan
Ye Duniya char din ki hai fir iske baad kya hoga
Bhalai kar bhala hoga Burai kar bura hoga


Abhi jitna bhi ji chahe Lagale Aag pani mein
Ek aesa waqt bhi aayega Teri zindagani mein
Na hoga koi Tera bas Usi ka aasra hoga
Bhalai kar bhala hoga Burai kar bura hoga

Zara Daulat jo hath aayi hai to magrur ban baitha
Dile Insaniyat ke waste nasur ban baitha
Khabar bhi hai Tuje ek Roz Tera khatma hoga
Bhalai kar bhala hoga Burai kar bura hoga

Yaha se zindagani Teri khali hath jayegi
Fakat karni Teri Duniya se Tere sath jayegi
Waha ke waste bhi kuchh na kuchh to sochna hoga
Bhalai kar bhala hoga Burai kar bura hoga

Ye angare na chun Tu Apna daman fulon se bharle
Abhi baki hein kuchh din zindagi ke nekiyan karle
Bahot pachhtayega ye waqt bhi jab ja chuka hoga
Bhalai kar bhala hoga Burai kar bura hoga

Na izzat kam aayegi Na Shohrat kam aayegi
Na Daulat kam aayegi Na Takat kam aayegi
Are Nadan socha hai Tera anjam kya hoga
Bhalai kar bhala hoga Burai kar bura hoga

Burai boj ban kar Tere sar par aa padi hogi
Tere Dil ki siyahi samne Tere khadi hogi
Teri bechargi par Tera saya has raha hoga
Bhalai kar bhala hoga Burai kar bura hoga

Jawani ke ye din ek roz Tujko yaad aayenge
Tere aamal Tujko khun ke aansu rulayenge
Akad kar chalne wale Tu sahara dhundhta hoga
Bhalai kar bhala hoga Burai kar bura hoga

Na hamdam aur na ye Apne begane sath jayenge
Na Duniya aur na Duniya ke khazane sath jayenge
Mano Mitti ke niche qabr mein Tu so raha hoga
Bhalai kar bhala hoga Burai kar bura hoga

Duaon se agar daman ko bhar leta to achha tha
Kabhi is baat par bhi gaur kar leta to achha tha
Dua fir kya karega jab Khuda ka samna hoga
Bhalai kar bhala hoga Burai kar bura hoga

Kabhi iman se munh modna achha nahin hota
Ke Insanon ke dil ko todna achha nahin hota
Ye darpan tut  jayega to mushkil jodna hoga
Bhalai kar bhala hoga Burai kar bura hoga

Musalat Gulshane Hasti pe wirani nahin hogi
Khuda ke nek bandon ko pareshani nahin hogi
Ke inke waste Jannat ka darwaza khula hoga
Bhalai kar bhala hoga Burai kar bura hoga

Na hargiz Tum kabhi mazlum ki aanho se takrana
Jahan tak ho sake ahle zameen par Reham farmana
Ke Haqqe Aadamiyat yunhi Aye Kaisar ada hoga
Bhalai kar bhala hoga Burai kar bura hoga

Popular posts from this blog

Allahumma Salle Ala Sayyidina Wa Maulana Muhammadin Lyrics

Allahumma Salle Ala Sayyidina Wa Maulana Muhammadin Wa ala Aalihi Wa ASahbihi Wa Barik Wa Sallim Sabse Ula wa Aala Hamara Nabi Sabse bala wa Wala Hamara Nabi Apne Maula ka Pyara Hamara Nabi Donon Aalam ka Dulha Hamara Nabi Allahumma Salle Ala Sayyidina Wa Maulana Muhammadin Wa ala Aalihi Wa ASahbihi Wa Barik Wa Sallim Lakhon aaye yahan aur lakhon gaye Unche Unche Shahenshah yaha na rahe Kitne diye jale jalke fir buj gaye Kya khabar kitne Taare khile chhup gaye Par na dube na duba Hamara Nabi Allahumma Salle Ala Sayyidina Wa Maulana Muhammadin Wa ala Aalihi Wa ASahbihi Wa Barik Wa Sallim Jinke Talwon ka dhowan hai Aabe Hayat Hai Wo Jaane Masiha Hamara Nabi Khalk se Auliya Auliya se Rusool Aur Rasoolon se aala Hamara Nabi Kaun deta hai dene ko Munh chahiye Dene wala hai saccha Hamara Nabi Ghamzadon ko Raza Muzda dijiye ke hein Bekason ka Sahara Hamara Nabi Allahumma Salle Ala Sayyidina Wa Maulana Muhammadin Wa ala Aalihi Wa ASahbihi Wa Barik Wa

Shahe Do alam Salam Assalam Lyrics

Shahe Do alam Salam Assalam  Garibon ke hamdam salam Assalam Karo door har gham Salam Assalam Har aankh hoke purnam salam Assalam Shahe Do alam Salam Assalam  Garibon ke hamdam salam Assalam Rabb ne bade pyar se me'raaj mein kaha Rehne do na'layn ko aa jaao mustafa Kadam e Muhammad ko liya arsh ne bosa Jhum uthe sare malaik w marhaba Mange jo nabi rabb ne wo diya Rabb ne jo diya nabi ne wo liya Jhuka arsh e Aazam Salam Assalam Shahe Do alam Salam Assalam  Garibon ke hamdam salam Assalam Aap ne jo kar diya ungali ka ishara Chaand do tukde hua kurban ho gaya Jab namaz e asar ali ki hui kaza Aap ne suraj ko dubara palat diya Aap jo kiye mo'ajaze bane Aap jab chale do jahan juke Mera sar bhi hai kham Salam Assalam Shahe Do alam Salam Assalam  Garibon ke hamdam salam Assalam Ya nabi ab hind mein mushkil hua jina Nazre karam se hamen bulwayen madina Paas hamare na koi maalo zar hai Mujse badi door madine ka safar hai Der na karo jald

Ya Rabbe Mustafa Tu Muje Hajj pe bula Lyrics || Hafiz Tahir Qadri

Ya Rabbe Mustafa Tu Muje Hajj pe bula Aake Mein dekh lun Aankh se Kaaba Tera Hajj ka Sharaf ho fir ata Ya Rabbe Mustafa Meetha Madina fir dikha Ya Rabbe Mustafa Ya Rabbe Mustafa Tu Muje Hajj pe bula Aake Mein dekh lun Aankh se Kaaba Tera Rukh Soo-e-Kaaba Hath mein Zamzam ka Jaam ho Pee kar karun Mein fir Dua Ya Rabbe Mustafa Ya Rabbe Mustafa Tu Muje Hajj pe bula Aake Mein dekh lun Aankh se Kaaba Tera Roti rahe jo Har Gadi Ishke Rasool mein Wo Aankh de de Ya Khuda Ya Rabbe Mustafa Ya Rabbe Mustafa Tu Muje Hajj pe bula Aake Mein dekh lun Aankh se Kaaba Tera Mere Maula Karam ho Karam Mere Maula Karam ho Karam De de Tawafe Khana-e-Kaaba ka fir Sharaf Farma Ye Pura Mudd'aa Ya Rabbe Mustafa Ya Rabbe Mustafa Tu Muje Hajj pe bula Aake Mein dekh lun Aankh se Kaaba Tera Aankhon mein Jalwa Shah ka Aur Lab pe Naat ho Jab Rooh Tan se ho Juda Ya Rabbe Mustafa Ya Rabbe Mustafa Tu Muje Hajj pe bula Aake Mein dekh lun Aankh se Kaaba Tera Firdos mein Pados