Bhar do jholi Meri Ya Muhammad By Sabri Brothers Lyrics

Shahe Madina Suno Iltija Khuda ke Liye
Karam ho Mujhpe Habeebe Khuda Khuda ke liye
Huzur Guncha-e-Ummid ab toh khil jaaye
Tumhare dar ka gada hun bhik mil jaaye

Bhar do jholi Meri Ya Muhammad
Laut kar Mein na jaaunga khali

Tumhare Aastane se zamana kya nahin pata
Koi bhi dar se khali Mangne wala nahin jata

Bhar do jholi Meri Ya Muhammad
Laut kar Mein na jaaunga khali

Tum zamane ke Mukhtar ho Ya Nabi
Be-kason ke madadgar ho Ya Nabi
Sab ki sunte ho apne hon ya gair hon
Tum garibon ke gamkhwar ho Ya Nabi

Bhar do jholi Meri Ya Muhammad
Laut kar Mein na jaaunga khali

Ham hein ranjo musibat ke maare hue
Sakht mushkil mein hein gham se hare hue
Ya Nabi kuchh khudara hamein bhik do
Dar pe aaye hein jholi pasare hue

Bhar do jholi Meri Ya Muhammad
Laut kar Mein na jaaunga khali

Hai mukhalif zamana kidhar jaayein ham
Halate bekasi kis ko dikhlayein ham
Ham Tumhare bhikari hein Ya Mustafa
Kis ke aage bhala hath failayein ham

Bhar do jholi Meri Ya Muhammad
Laut kar Mein na jaaunga khali

Bhar do jholi Meri Ya Muhammad
Laut kar Mein na jaaunga khali
Kuchh nawason ka sadqa ata ho
Dar pe aaya hun ban kar sawali

Haq se paayi wo shane kareemi
Marhaba donon aalam ke wali
Uski kismat ka chamka sitara
Jispe nazre karam Tumne dali

Zindagi bakhsh di bandagi ko
Aabru Deen-e-Haq ki bacha li
Wo Muhammad ka pyara nawasa
Jisne Sajde mein gardan kata li

Jo Ible Murtaza ne kiya kaam khub hai
Qurbani-e-Husain ka anjam khub hai
Qurban hoke Fatima Zahra ke chain ne
Deen-e-Khuda ki shan badhai Husain ne
Bakhshi hai jisne maz'hab-e-Islam ko hayat
Kitni Azeem Hazrat-e-Shabbir ki hai zaat
Maidan-e-Karbala mein Shahe Khush Khisal ne
Sajde mein sar kata ke Muhammad ke laal ne

Zindagi bakhsh di bandagi ko

Aabru Deen-e-Haq ki bacha li
Wo Muhammad ka pyara nawasa

Jisne Sajde mein gardan kata li

Hashr mein unko dekhenge jis dam
Ummati ye kahenge khushi se
Aa rahe hein wo dekho Muhammad
Jinke kandhe pe kamli hai kaali

Mehshar ke roz peshe khuda honge jis gadi
Hogi gunahgaron mein kis darja be-kali
Aate hue Nabi ko jo dekhenge ummati
Ek dusre se sab ye kahenge khushi khushi

Aa rahe hein wo dekho Muhammad

Sare Mehshar gunahgaron se pursish jis gadi hogi
Yaqinan har bashar ko apni bakhshish ki padi hogi
Sabhi ko aas us dam pyare Aaqa se lagi hogi
Ke Ese mein Muhammad ki Sawari aa rahi hogi
Pukarega zamana us gadi dukh-dard ke maaron
Na Gabrao Gunah-garon Na Gabrao Gunah-garon

Aa rahe hein wo dekho Muhammad

Jinke kandhe pe kamli hai kaali

Aashiq-e-Mustafa ki azanein
Allah Allah kitna asar tha

Sacha ye wakeya hai azan-e-Bilal ka
Ek din Rasool-e-Paak se logon ne yun kaha
Ya Mustafa Azan galat dete hein Bilal
Kahiye Huzur aapka isme hai kya khayal
Farmaya Mustafa ne ye sach hai to dekhiye
Waqt-e-sahar ki aaj Azan aur koi de
Hazrat Bilal ne jo Azan-e-Sahar na di
Qudrat Khuda ki dekho na mutlak sahar hui
Aaye Nabi ke paas khud As'habe ba-safa
Ki arz Mustafa se ke Ya Shahe Ambiya
Hai kya sabab saher na hui aaj Ya Mustafa
Jibreel laaye eise mein Paigam-e-Kibriya
Pehle to Mustafa ko adab se kiya salam
Ba'd az Salam unko Khuda ka diya payam
Yun Jibraeel ne kaha khairul Anam se
Allah ko hai Pyar Tumhare Gulam se
Farma raha hai Aap se ye Rabb-e-Zuljalal
Hogi na sub'ha denge na jab tak Azan Bilal

Aashiq-e-Mustafa ki azanein

Allah Allah kitna asar tha
Arsh wale bhi sunte the jisko
Kya Azan thi Azan-e-Bilali

Kash purnam dayare Nabi mein
Jeete jee ho bulawa kisi din
Haale Gham Mustafa ko sunaun
Tham kar Unke Roze ki Jaali

Comments

  1. The Casino at Wildhorse | Dr. Maryland
    The Casino 여주 출장샵 at Wildhorse, an IGT and 속초 출장마사지 a food & drink venue. The 세종특별자치 출장안마 casino offers a wide 인천광역 출장샵 variety of slots, table games, and live 의왕 출장샵 entertainment!

    ReplyDelete

Post a Comment

Facebook Page

Followers

Popular Naat Lyrics

Wo jiske liye Mehfile Konain saji hai Lyrics || Roman(Eng) and Hindi(हिंदी)

Shahe Do Aalam Salaam Assalaam Lyrics || Roman(Eng) & हिंदी (Hindi)

Allahumma Salle Ala Sayyidina Wa Maulana Muhammadin Lyrics || Roman (Eng) & हिंदी (Hindi)