Hajiyon Aao Shahenshah ka Roza Dekho Lyrics

Haajiyon aao Shahenshah ka Roza dekho
Kaaba to dekh chuke Kaabe ka Kaaba dekho

Rukne Shaami se miti wahshate shaame ghurbat
Ab Madine ko chalo sub'he Sil aaraa dekho

Aabe Zam-Zam to piyaa khoob bujhaaee Pyaasein
Aao Joode Shahe Kowsar ka bhi Darya dekho

Zayre Mizaab mile khoob Karamke chheente
Abre Rehmat ka yahan zowar barasnaa dekho

Dhoom dekhi hai Dare Kaaba pe betaabon ki
Unke Mushtako mein Hasrat ka tadapna dekho

Misle parwana phiri karte the jis shama ke gird
Apni Us shama ko parwana yahan ka dekho

Khoob aankhon se lagaaya he Gilaafe Kaaba
Qasre Mehboob ke parde ka bhi Jalwa dekho

Wa(n) mutiyo ka jigar khauf se paani paaya
ya(n) siyahkaaro ka daaman pe machalna dekho

Awwali khana e haq ki to ziyaye dekhi
aakhri bait e nabi ka bhi tajalla dekho

Jinte kaaba me tha laakh aruso ka banav
Jalwa-farma yaha kaunain ka dulha dekho

Aymane tur ka tha rukne yamani me farog
Shola e tur yaha anjuman-aara dekho

Mehre madar ka maza deti hai aagosh e hateem
Jin pe maa baap fida ya(n) karam unka dekho

Kar chuki rif'ate kaaba pe nazar par-vaze
Topi ab thaam ke khaaq e dar e wala dekho

Be-niyazi se waha kaapti payi ta'at
Joshe rehmat pe yaha naaz gunah ka dekho

Multazim se to gale lag ke nikale armaan
Aadab o shouq ka yaha baham ulajhna dekho

Khoob mas'a me b-ummide safa daud liye
Raahe jana(n) ki safaka bhi tamasha dekho

Zeenate Kaaba me tha laakh arooso ka banaw
Jalwa farma yaha kownain ka doolhaa dekho

Dho chuka zulmate dil bosaa-e Sunge Aswad
Khaak bosi-e-Madina ka bhi Rutbaa dekho

Jum’ma-e Makkah tha Eid, Ahle Ibaadat keliye
Mujrimo! Aawo yaha Eide Do Shamba dekho

Raqse Bismilki bahaare to Minaa me dekhi
Dil khonaa be Fishaa ka bhi Tarapna dekho

Gowr se sun to RAZA Kaaba se aati he sadaa
Meri aankho se mere Pyaare ka Rozaa dekho


Naat Author :: AlaHazrat Imaam Ahmad Raza

Comments

Facebook Page

Followers

Popular Naat Lyrics

Allahumma Salle Ala Sayyidina Wa Maulana Muhammadin Eng & Hindi Lyrics

Wo jiske liye Mehfile Konain saji hai Lyrics || Roman(Eng) and Hindi(हिंदी)

Shahe Do alam Salam Assalam Lyrics