Tayba ke Jaane wale Lyrics || Owais Raza Qadri


Tayba ke Jaane wale Jaa kar Bade Adab se
Mera bhi Kissa-e-Gham Kehna Shahe Arab se

Kehna ke Shahe Aali Ek Ranjo Gham ka Maara
Donon Jahan mein Iska hein Aap hi Sahara
Halate Pur Alam se Har Dam guzar raha hai
Aur Kampte Labon se Fariyad kar raha hai

Baare Gunah Apna hai Dosh par Uthaye
Koi nahin hai Aesa Jo puchhne ko aaye
Bhatka hua Musafir Manzil ko dhundhta hai
Tarikiyon mein Maahe Kamil ko dhundhta hai

Seene mein hai Andhera Dil hai Siyah-khana
Ye Sab Meri Hakeekat Sarkar ko Sunana





Kehna Mere Nabi se Mehroom hu Khushi se
Sar par Ek Abre Gham hai Ashkon se Aankh nam hai
Pamale Zindagi hun Sarkar Ummati hun
Ummat ke Rehnuma ho Kuchh Arze Haal Sunlo
Fariyad kar raha hun Mein Dil-Figar kab se
Mera bhi Kissa-e-Gham Kehna Shahe Arab se

Tayba ke Jaane wale Jaa kar Bade Adab se
Mera bhi Kissa-e-Gham Kehna Shahe Arab se

Kehna ke kha raha hun Mein Thokarein Jahan mein
Tumhi batao Aaqa Jaaun bhala kahan Mein
Mehsoos kar raha hun Duniya hai Ek Dhoka
Matlab ke Yaar hein Sab Koi Nahin kisi ka

Kisko Mein Apna Jaanun Kiska Mein lun Sahara
Mujko To Mere Aaqa hai Aapka Sahara
Tumhi Sunoge Meri Tumhi Karam Karoge
Donon Jahan Mein Tumhi Mera Bharam Rakhoge

Tum DaadKhahe-Aalam Mein Ek Naseebe Barham
Tum Bekashon ke Wali Mein Be-Nawa Suwali
Tum Aasiyon ka Yaara Mein Gardishon ka Maara
Rehmat ho Tum Sarapa Mein Murtakib Khata ka
Hun Sharmsaar Apne Aa'mal ke Sabab se
Mera bhi Kissa-e-Gham Kehna Shahe Arab se

Tayba ke Jaane wale Jaa kar Bade Adab se
Mera bhi Kissa-e-Gham Kehna Shahe Arab se

Aye Aazime Madina Jaa kar Nabi se Kehna
Soze Ghame Alam se Ab jhal raha hai Seena
Kehna ke Dil mein Lakhon Arman bhare hue hein
Kehna ke Hasraton ke Nashtar chubhe hue hein

Hai Aarzu Ye Dil ki Mein bhi Madine Jaaun
Sultane Do Jahan ko Sab Daage Dil dikhaun
Kaatun Hazar Chakkar Tayba ki Har Gali ke
Yunhi Guzar dun Mein Ayyam Zindagi ke

Phoolon pe Jaan Nisarun Kaanton pe Dil ko Waarun
Zarron ko dun Salami Dar ki karun Gulami
Diwaro Dar ko Chumun Kadmon pe Sar ko rakh dun
Mehboob se lipat kar rota rahun barabar
Aalam ke Dil mein hai Ye Hasrat na-jane kab se
Mera bhi Kissa-e-Gham Kehna Shahe Arab se

Tayba ke Jaane wale Jaa kar Bade Adab se
Mera bhi Kissa-e-Gham Kehna Shahe Arab se

Comments

Popular Naat Lyrics

Allahumma Salle Ala Sayyidina Wa Maulana Muhammadin Lyrics

Shahe Do alam Salam Assalam Lyrics

Ya Rabbe Mustafa Tu Muje Hajj pe bula Lyrics || Hafiz Tahir Qadri