Aye Charagare Shoq ! Koi aesi dawa de Lyrics


Aye Charagare Shoq ! Koi aesi dawa de
Jo Dil se har ek gair ki chahat ko bhula de


Bas dekh liya Duniya ke rishton ka tamasha
Makhluk se ummit ke sab deep buja de

Pakiza tamannaein bhi lati hein udasi
Har zauq talab shauq tamanna hi mita de

De lazzate Didar ki behoshi mein wo hosh
Jo hasti ki tarifo ta'ayyun ko gawa de

Ek Mein hun fakat Tu ho Aur Aalame Hu ho
Aye Husne Azal sare hijabat utha de

Mein khud ko bhi khud apne se fir dhundh na paaun
Yun aatishe sozan se Meri rakh jala de

Hun Tere hijabat ki dehliz pe kabse
Ek baar zara dekhle ek parda hata de

So baar bulaya Tuje So bar sataya
Tu bhi to kabhi raat ko mil chhup ke nida de

Khud dekh le Tu soya hai Mein jaag raha hun
Tu bhi to kabhi Meri wafaon ka sila de

Bas ek hi Surat hai idhar unki nazar ki
Juz unke har ek yaad har ek baat bhula de

Kyun hook si uthti hai Dile Zaar se Tahir
Is basti-e-wiran ke khasho khashak jala de

Comments

Popular Naat Lyrics

Allahumma Salle Ala Sayyidina Wa Maulana Muhammadin Lyrics

Shahe Do alam Salam Assalam Lyrics

Ya Rabbe Mustafa Tu Muje Hajj pe bula Lyrics || Hafiz Tahir Qadri