Ya Rabbe Muhammad Meri taqdeer jagade Lyrics


Ya Rabbe Muhammad Meri taqdeer jagade
Sehra-e-Madina Mujhe aankhon se dikha de

Pichha Mera duniya ki muhabbat se chhuda de
Ya Rabb Mujhe deewana Madine ka bana de

Rota hua jis waqt mein darbar mein pahunchun
Us waqt Mujhe jalwa-e-Mehboob dikha de

Dil Ishq-e-Muhammad mein tadapta rahe har dam
Sine ko Madina Mere Allah bana de

Behti rahe aksar shahe abrar ke gham mein
Roti hui wo aankh Mujhe Mere Khuda de

Imaan pe de maut Madine ki gali mein
Mudafan Mera Mehboob ke qadmon mein bana de

Allah karam itna gunahghar pe farma
Jannat mein padhosi Mere Aaqa ka bana de

Deta hun Tujhe waseta mein Pyare Nabi ka
Ummat ko Khudaya Rahe Sunnat pe chala de

Allah mile hajj ki isi saal sa'adat
Badkar ko phir Roza-e-Mehboob dikha de

Attar se Mehboob ki Sunnat ki le khidmat
Danka ye Tere Deen ka duniya mein baja de


Comments

Popular Naat Lyrics

Allahumma Salle Ala Sayyidina Wa Maulana Muhammadin Lyrics

Shahe Do alam Salam Assalam Lyrics

Ya Rabbe Mustafa Tu Muje Hajj pe bula Lyrics || Hafiz Tahir Qadri