Zameen maili Nahin Hoti Zaman Maila Nahin Hota



Zameen maili nahin hoti Zaman maila nahin hota
Muhammad ke gulamon ka kafan maila nahin hota

Mahobbat kamli-wale se Wo Jazba hai suno logon
Ye jis man me sama jaye Wo man maila nahin hota

Gulon ko chum lete hein Sahr-nam shabnami qatre
Nabi ki naat sun le to chaman maila nahi hota

Jo Naame-mustafa chume nahin dukhti kabhi Aankhein
Pahen le Pyar jo Unka badan maila nahin hota

Nabi ka damane-rehmat pakad lo Aye jahan walo
Rahe jab tak ye haathon mein chalan maila nahin hota

Nabi ke paak langar par Jo palte hein kabhi unki
Zuban maili nahin hoti Sukhan maila nahin hota

Mere Aaqa ki ulfat to badan ko jagmagati hai
Kabhi Ahle Muhammad ka Badan maila nahin hota

Me naza to nahi fan par magar NASIR ye dawa hai
Sana-e-Mustafa karne se fan maila nahin hota

Comments

Facebook Page

Followers

Popular Naat Lyrics

Allahumma Salle Ala Sayyidina Wa Maulana Muhammadin Eng & Hindi Lyrics

Shahe Do alam Salam Assalam Lyrics

Wo jiske liye Mehfile Konain saji hai Lyrics || Roman(Eng) and Hindi(हिंदी)