Sare Sham Hi Se Falak Ke Sitare
Sare Sham Hi Se Falak Ke Sitare
Yehi Keh Rahe Hai Chamakte Chamkte
Dikhayeinge Sham-O-Qamar Ko Bhi Ankhein
Madine Ke Zarre Damakte Damakte
Aajab Nazuki Hai Aajab Shouqiyan Hai
Yaqeen-O-Gumaan Main Phasien Titliyan Hai
Gulon Ko Bhi Khushbo Ki Khairaat Bate
Madine Ke Kaatein Mehakte Mehakte
Ae Namrud Tujhko Khabar Hi Nahi Hai Ke
Pushte Khaleeli Main Wo Jalwagar Hai
Yaka Yak Banege Wahi Bistar-E-Gul
Aadawath Ke Shoule Lahekte Lahekte
Dar-E-Mustafa Se Mili Jisko Chitti
Pukaregi Usko Madine Ki Mitti
Kahein Dafn Kardo Janaze Ko Lakin
Wo Pohchega Taiba Khisakte Khisakte
Jo Ummat Ke Gham Main Chalakte Hain Aasou
Unhi Se Nikal Aaye Bakshish Ke Pehlo
Bhujayegi Mehshar Main Dozak Ki Aatish
Wo Chashmai Risalath Chalakte Chalakte
Zara Suni Palkon Ki Kismat Jagado
Zara Khawb Main Apna Jalwa Dikhado
Shab-E-Gham Ke Bistar Pe Aashiq Tumhara
Abhi Sogaya Hai Sisakte Sisakte
Madine Ki Galiyon Main Jab Ghumte Hain
Yehi Sonch Kar Rah Guzar Chumte Hain
Chale Jayeinge Hum Issi Raste Se
Bahishte Karam Main Lapakte Lapake
Raza Se Jaloge To Jal Jaoge Tum
Raza Se Miloge To Khil Jaoge Tum
Ye Hai Aala Hazrath Ki Ulfath Ka Sikka
Jo Chalta Rahega Khanakte Khanakte
Nabi Ki Mohabbath Ka In’aam Dekho
Ye Naat-E-Shah-E-Deen Ka Ikram Dekho
ASAD Bhi Hai Bagh-E-Madina Ka Bulbul
Thakega Na Hargiz Chahekte Chahekte
ABHI TAK WAHAAN HAIN FARISHTON KE PHERE...
ReplyDeleteJAHAAN CHALTE FIRTE THE SARKAR MERE...
JIDHAR BHI GUZARTE WAHEEEN CHOOM LETE...
WO RAAHON KE KANKAD UCHHALTE UCHHALETE...