Kis Ke Jalve Ki Jalak Hai Ye Ujala Kya Hai Lyrics





Kis ke Jalve Ki Jalak Hai Ye Ujaala Kya Hai
Har Taraf Deeda-e-Hairat Zada Takta Kya Hai

Unki Ummat Mai Banaya Unhe Rehmat Bheja
Yu Na Farma Ke Tera Reham Mai Dava Kya Hai

Sadka Pyare Ki Haya Ka Ke Na Le Muj Se Hisaab
Baksh Be Puchhe Lajae Ko Lajana Kya Hai

Be Basee Ho Jo Muje Pursishe Aamal Ke Vakt 
Dosto Kya Kahu Us Vakt Tamanna Kya Hai

Kash Fariyad Meri Sun Ke Ye Farmae Huzur 
Haa Koi Dekho Ye Kya Shor Hai Ghoga Kya Hai

Kaun Aafat Zada Hai Kis Pe Bala Tuti Hai
Kis Musibat Mai Giraftar Hai Sadma Kya Hai

Kis Se Kehta Hai Lillah Khabar Lijiye Meri
Kyu Hai Be Taab Ye Becheni Ka Rona Kya Hai

Is Ki Becheni Se Hai Khatir-e-Akdas Pe Malal
Be Kasi KEsi Hai Puchho Koi Guzra Kya Hai

Yu Maeek Kare Ma'arooz Ke Ek Mujrim Hai
Is Se Pursish Hai Bata Tune Kiya Kya Kya Hai

Samna Kehar Ka Hai Daftar-e-Aamal Hai Pesh
Dar Raha Hai Ke Khuda Hukm Sunata Kya Hai

Aap Se Karta Hai Fariyad Ke Ya Shah-e-Rusul
Banda BE Kas Hai Shaha Reham Mai Vakfa Kya Hai

Ab Koi Dam Mai Giriftar Bala Hota Hun
Aap Aa Jaae To Kya Khauf Hai Khatka Kya Hai

Sun Ke Ye Arz Meri Behr-e-Karam Josh Mai Aae
Yu Malaeek Ko Ho Irshaad Theharna Kya Hai

Kis  Ko Tum Mo'reed-e-Aafat Kiya Chahate Ho
Ham Bhi To Aake Zara Dekhe Tamasha Kya Hai

Un Ki Aavaz Pe Kar Uthu Mai Be Sakhta Shor
Aur Tadap Kar Ye Kahu Ab Muje Parvah Kya Hai

Lo Vo Aaya Mera Haami Mera Ghamkhvaar Umam
Aa Gaee Jaa Tane Be Jaa Me Ye Aaana Kya Hai

Fir Muje Daamane Akdas Me Chhupale Sarvar
Aur Farmae Hato Is Pe Takaza Kya Hai

Banda Azad Shuda Hai Ye Hamare Dar Ka
Kesa Lete Ho Hisab Is Pe Tumhara Kya Hai

Chhod Kar Muj Ko Farishte Kahe Mahkum Hai Ham
Hukm Vaala Ki Na Taamil Ho Zohra Kya Hai

Ye Sama Dekh Ke Mehshar Mai Uthe Shor Ke Vah
Chashm-e-Baddur Ho Kya Shan Hai Rutba Kya

Ae RAZA Jaan-e-Ana Dil Tere Nagmon Pe Nisar
BulBul-e-Bage Madina Tera Kehna Kya Hai

Comments

Facebook Page

Popular Naat Lyrics

Allahumma Salle Ala Sayyidina Wa Maulana Muhammadin Lyrics

Shahe Do alam Salam Assalam Lyrics

Ya Rabbe Mustafa Tu Muje Hajj pe bula Lyrics || Hafiz Tahir Qadri