Sahara Chahiye Sarkar Zindagi ke Liye Lyrics || Hassan Raza, Hafiz Tahir Qadri





Qismat Meri Chamka do Ya Shahe Madina
Bigdi Meri banado Ya Shahe Madina

Mere Aaqa Madine Bula Lijiye

Mere Aaqa Madine Bula Lijiye

Sahara Chahiye Sarkar Zindagi ke Liye
Tadap raha hun Madine ki Hazri ke Liye

Tayba ke Jane wale Jaa kar Bade Adab se
Mera bhi Kissa e Gham Kehna Shahe Arab se

Kehna ke Shahe Alam Ek Ranjo Gham ka Maara
Donon Jahan mein Jiska hein Aap hi Sahara





Halate Poor Alam se Jis Dam Guzar raha hai
Aur Kampte Labon se Fariyad kar raha hai

Baare Gunah Apna hai Dosh par Uthaye
Koi nahin hai Aesa Jo puchhne ko aaye

Bhula hua Musafir Manzil ko dhundhta hai
Tarikiyon mein Maahe Kamil ko Dhundhta hai

Seene mein hai Andhera Dil hai Siyah khana
Ye hai Meri Kahani Sarkar ko Sunana

Kehna Mere Nabi se Mehroom hun Khushi se
Sar par Ek Abre Gham hai Ashkon se Aankh nam hai

Pamale Zindagi hun Sarkar Ummati hun
Ummat ke Rehnuma ho Kuchh Arze Haal Sunlo

Fariyad kar raha hun Mein DilFigar kab se
Mera bhi Kissa e Gham Kehna Shahe Arab se

Huzur Aesa Koi Intezam ho jaaye
Salam ke Liye Hazir Gulam ho jaaye

Sahara Chahiye Sarkar Zindagi ke Liye
Tadap raha hun Madine ki Hazri ke Liye

Mera Dil Tadap raha hai Mera Jal raha hia Seena
Ke Dawa Wahin Milegi Mujhe le chalo Madina

Nahin Maalo Zar to kya hai Mein Gareeb hun yahi na
Mere Ishk Mujhko le chal Tu hi Jaanibe Madina

Aaqa na toot jaye Ye Dil ka Aabgeena
Ab ke Baras bhi Maula reh jaoon Mein kahin na

Dil ro raha hai Jinka Aansu Chhalak rahe hein
Un Aashikon ka Sadka Bulwaeeye na

Mere Aaqa Madine Bula Lijiye
Mere Aaqa Madine Bula Lijiye

Madine Jaaun Fir Aaun Dubara Fir Jaaun
Ke Zindagi Meri Yunhi Tamam ho jaaye

Sahara Chahiye Sarkar Zindagi ke Liye
Tadap raha hun Madine ki Hazri ke Liye

Aye Aazime Madina Jaa kar Nabi se kehna
Soze Ghame Alam se Ab Jhal raha hai Seena

Kehna ke Badh rahi hai Ab Dil ki Iztirabi
Qadmon se Door hun Mein Kismat ki hai Kharabi

Kehna ke Dil mein Mere Armaan bhare huye hein
Kehna ke Hasraton ke Nashtar chubhe huye hein

Hai Aarzu Ye Dil ki Mein bhi Madine Jaaun
Sultane Do Jahan ko Daage Zigar dikhaun

Kaatun Hazar chakkar Tayba ki Har Ghali ke
Yunhi Guzar dun Mein Ayyam Zindagi ke

Kadmon pe Jaan Nisarun Kaanton pe Dil Ko Waarun
Zarron ko dun Salami Dar ki karun Gulami

Diwar Dar ko chumun Chokhat pe Sar ko rakh dun
Roze ko Dekh kar Mein rota rahun Barabar

Aalam ke Dil mein hai Ye Hasrat na Jaane kab se
Mera bhi Kissa-e-Gham Kehna Shahe Arab se

Sahara Chahiye Sarkar Zindagi ke Liye

Ya Mustafa Khudara do Izn Hazri ka
Karlun Nazara Aa kar Mein Aapki Gali ka

Ek Baar to dikhado Ramzan mein Madina
Beshak Banalo Aaqa Mehman Do Gadi ka

Naseeb Walon mein Mera bhi Naam ho jaaye
Jo Zindagi ki Madine mein Sham ho jaaye

Sahara Chahiye Sarkar Zindagi ke Liye
Tadap raha hun Madine ki Hazri ke Liye

Comments

Popular Naat Lyrics

Allahumma Salle Ala Sayyidina Wa Maulana Muhammadin Lyrics

Shahe Do alam Salam Assalam Lyrics

Ya Rabbe Mustafa Tu Muje Hajj pe bula Lyrics || Hafiz Tahir Qadri