Ek mein kya mere Isyaa(n) ..... Sharah

Back To Full Naat

Ek mein kya mere Isyaa(n) ki hakikat kitni

Mujhse so lakh ko kafi hai ishara Tera

Mushkil Alfaz :

Isyaa(n) : Gunah , Na-farmaniya(n) .
Hakikat : Asliyat .
Kitni : Kis kadar , kya haisiyat .
So Lakh : Ek karod (10 million), Murad hai be hisab , la-tadad be-shumar .

Mafhoom wa Tashreeh :

Ya Rasulallah (Sallalallhu Alayhi WaSallam) ! Mere gunah jitne bhi sahi (Aap ki shafa'at ke samne) inki haisiyat hi kya hai  , Aur na sirf mein balke mere jaise karodon gunahgaron ke liye to Aap ki Shafa'at ka ek ishara bhi kafi hai .

La'Tadad Ahadise Mubaraka jo ham jaise papiyon ki shfa'at ka muzda-jaanfaza suna rahi hein , wo hamare liye sarmaya-e-hayat maya-e-najat hai .

Kisi ko naaz hoga bas ita'at ka ibadat ka
Hamein To bas sahara hai Muhammad ki shafa'at ka