Posts

Showing posts from May, 2016

Haqeeqat mein wo lutfe zindagi paya nahin karte Lyrics

Haqeeqat mein wo lutfe zindagi paya nahin karte Jo yaade mustafa se dil ko behlaya nahin karte Zabaan par shikwa-e-ranjo alam laya nahin karte Nabi ke naam lewa gham se gabraya nahin karte Are oh nasamaj ! kurban hoja unke roze par Ye lamhe zindagi mein baar baar aaya nahin karte Ye darbare muhammad hai yahan apno ka kya kehna Yahan se hath khali gair bhi jaya nahin karte Ye hai darbar aaqa ka yahan milta hai be mange Are nadaan yahan daman ko failaya nahin karte Muhammad Mustafa ke baag ke sab fuul aese hein Jo bin paani ke tar rehte hein murjaya nahin karte Jo unke damane rehmat se wabasta hai ae Hameed Kisi ke samne daman ko failaya nahin karte

Mere wirde lab hai nabi nabi Lyrics

Mere wirde lab hai nabi nabi Mera dil makame habeeb hai Mein marize ishke rasool hun Wo habeeb mera tabeeb hai Mera us gali se hai wasita Jahan sar jukate hein ambiya Jahan rehmaton ka nuzul hai Wo jo arshe haq ke kareeb hai Mein bada ameero kabeer hun Shahe do sara ka aseer hun Dare mustafa ka fakeer hun Mera rif'aton mein nasib hai Mein gamon alam mein hun mubtala Koi kya karega meri dawa Mera do jahan mein tere siwa Shaha aur kaun tabeeb hai Wo bhi khub din the malaeeka Mere samne the jo sarnighon Wo mera uruje kamal tha Ye zawal kitna ajeeb hai

Tumre daras ki maari hai akhiyan Lyrics

Image
Tumre daras ki maari hai akhiyan Hamka dikhai do madani nagariya Tuti hamari aas badhaeen do Hamre soye bhag jagaee do Tumre bin kachhu na hi suje Kadaman hamka apni bulaee lo Kripa karo more arabisawariya Hamka dikhai do madani nagariya Khajra ki chhaiyan maa bitaido Kadaman ki mohe dhul banaido Neer bahaee ke binti karat hun Hamka kamaliya apni chhupai lo Aesi karo mo pe aaqa nazariya Hamka dikhai do madani nagariya Tumre karam ki hamko aasha Door karo ab mori nirasha Tadpat hun bin jal maahi ke Samjat ho tum sabki bhasha Bit kahin jaaye na umariya Hamka dikhai do madani nagariya Sagdi jagat hai tumri sawali Ham dukhiyan ke tum ho wali Bain karat hai ishrat tumra Bhar do hamri joliyan khali Paar lage ab hamri nawariya Hamka dikhai do madani nagariya

Ae deen e haq ke rehbar Tum par salam har dam Lyrics

Ae deen e haq ke rehbar Tum par salam har dam Mere shafee e mehshar  Tum par salam har dam Is be kaso azee par  Jo kuchh guzar rahi hai Zahir hai sab wo tum par Tum par salam har dam Banda tumhare dar ka  Aafat mein mubtala hai Rehme habeebe dawar Tum par salam har dam Lillah ab hamari  Fariyad ko pahunchiye Be-had hai haal abtar Tum par salam har dam Koi nahin hai mera Mein kis se daad chahun Sultane banda parwar Tum par salam har dam Bulwa ke apne dar par Ab mujko dijiye izzat Firta hun khaar dar dar Tum par salam har dam Mohtaj se tumhare  Karte hein sab kinara Bas ek tumhi ho yawar Tum par salam har dam Apne gada e dar ki  Lijiye khabar khudara Kijiye karam Hasan par Tum par salam har dam

Wo mahe farozan wo nayyare taaban by shahid mehmood Lyrics

Wo mahe farozan wo nayyare taaban Mera mera mustafa hai mera mustafa hai Wo barah Rabi-ul-awwal ko aaya Jo awwal bana hai mera mustafa hai To kya tune dekha wo mausam ka badalna Wo pathar zameen par fulon ka khilna Wo arshe ula ka zameen par utarna Jo haan utra hai mera mustafa hai To kya tune dekha hai qur'aan ko chalte Ke sehra mein jaise dariya hein bahete Wo tareek raton mein suraj nikalte  Jo haan nikla hai mera mustafa hai To kya tune dekha wo rehmat ka manzar Idhar se duaein udhar se hein patthar Wo taeef ki waadi wo dawar ka dilbar Jo tanha khada hai mera mustafa hai To kya tune dekha wo aana wo jaana Ke hairat mein hai ab talak ye zamana Wo rabb ka bulana wo sab ko dikhana Ye jo aa raha hai mera mustafa hai To kya tune dekhi hai aisi kabaein Ke maaho maher bhi len jinse ziyaein Wo pehwand ke jaisi saji kehkashaein Jo ye pahenta hai mera mustafa hai

Wo mahe Farozan wo nayyare tabaan Lyrics

Wo mahe Farozan wo nayyare tabaan Mera mustafa hai mera mustafa hai Wo barah rabiul-awwal ko aaya Jo awwal bana hai mera mustafa hai To kya tune dekha wo aana wo jaana Ke hairat mein hai ab talak ye zamana Wo rabb ka bulana wo sab ko batana Jo haan aa raha hai mera mustafa hai To kya tune dekha wo aana wo jaana Ke hairat mein hai ab talak ye zamana Qudsi khade hein hairan hoke Ke sidra se aage bashar jaa raha hai Jaata hai dekho bekhof kaise  Ke sab jaanta hai ye raahe wo jaise Wo yun jaa raha hai jaise ke koi Ghar wala apne hi ghar jaa raha hai Wo kissa halima ke angan ka dekho Jawani se pehle tum bachpan ka puchho Abhi mustafa ne hilaee hai ungali Kamar se to puchho kidhar ja raha hai Aqsa mein jitne bhi mursal khade the Hairat mein sare ke sare khade the Ke ham inke pichhe ye kya padh rahe hein Namazein hi lene agar ja raha hai Kahan tu hai Shakir kahan unki naatein Kahan apni zaatein kahan unki baatein Ye kyun keh rahe ho bashar ja raha h

Koi mansoor koi ban ke gazali aaye Lyrics

Koi mansoor koi ban ke gazali aaye Unke darbar se ho kar jo sawali aaye Ho mere bas mein to mein Dil mein bithalun unko Chum kar jo mere Sarkar ki jaali aaye Unki Rehmat ko to ye baat gawara hi nahin Unki Chokhat pe koi jaaye to khali aaye  Unke Altafo Karam badh ke kharidenge Unhe Aaj bhi leke koi Zauqe Bilali aaye Unka Jalwa to hai Mojood yahan bhi lekin Koi lekar to Nazar dekhne wali aaye

Khake madina hoti mein khak-sar hota Lyrics

Khake madina hoti mein khak-sar hota Hoti rahe madina mera gubar hota Aaqa agar karam se tayba muje bulate Roze par sadke hota unpar nisar hota Mar mitke khub lagti mitti meri thikane Ghar unki rah-guzar par mera mazar hota Ye aarazu hai dil ki hota wo sabz gumbad Aur mein gubar ban kar us par nisar hota Tayba mein ghar muyassar do gaz zameen hoti Unke kareeb basta dil ko  karar hota Bechain dil ko ab tak samja buja ke rakha Magar ab to is se aaqa nahin intezar hota Wo bekason ke aaqa bekas ko ghar bulate Kyun sab ki thokaron par padh kar khuwar hota Salik hue ham unke wo bhi hue hamare Dile muztarib ko lekin nahin intezar hota

Madina yaad aata hai Lyrics

Dare akdas pe haale dil sunana yaad aata hai Madina yaad aata hai Madina yaad aata hai Madine mein jo guzra wo zamana yaad aata hai Madina yaad aata hai  Madina yaad aata hai  Adab se baith kar us gumbade khazra ke saaye mein Nabi ki yaad mein aansu bahana yaad aata hai Madina yaad aata hai  Madina yaad aata hai  Rasulallah ke darbar mein unki muhobbat mein Ye tera rozo shab ka aana jaana yaad aata hai Madina yaad aata hai  Madina yaad aata hai  Awes karn bole maa ijazat dijiye mujko Judaee mein tadapta hun madina yaad aata hai Madina yaad aata hai  Madina yaad aata hai  Mizare fatema pe karbala walon ki yaad aaee Madine waale aaqa ka gharana yaad aata hai Madina yaad aata hai  Madina yaad aata hai  Nabi ke zikr ki mehfil mein aate hi muje Mohsin Madina yaad aata tha Madina yaad aata hai Madina yaad aata hai  Madina yaad aata hai 

Na chhedo zikre jannat ab madina yad aaya hai Lyrics

Na chhedo zikre jannat ab madina yad aaya hai Nabi ka sabz gumbad dil ki aankhon mein samaya hai Mila karti hein muh mangi muradein unke roze par Gulamon ne tere dar se jo manga hai wo paya hai Khuda ki saltanat ke ho tum dulha Ya Rasulallah Tumhare waste rab ne ye sab aalam sajaya hai Shabe asra mubarak baad thi ye hooro-gilma mein Muhammad ko khuda e paak ne dulha banaya hai Namazon mein azaan mein kalma mein aur arsh par har jaa Khuda ne naam tera naam se apne milaya hai Zameen ko chirte dodhe hue aaye hein khidmat mein Darakhton ne ishara aapka jis wakt paya hai Ijabat ne liya bosa tumhare pyare hothon ka Dua ke waste jis wakt tum ne lab hilaya hai Tumhari zaat par kyun kar bharosa ho na alam ko Gunahgaron ko tumne naare dozakh se bachaya hai Koi pursane haal apna nahin hai ya Rasulallah Jo apna hai to tu hai aur baaki sab paraya hai Sana e mustafa wo bhi riwayate sahiha se Jameel e Qadri kya khub tere paas maya hai

Afsos bahot door hun gulzare nabi se Lyrics

Afsos bahot door hun gulzare nabi se  Kaash aaye bulawa muje darbare nabi se Ulfat hai muje gaisu e khamdare nabi se Abru o palak aankh se rukhsare nabi se Sadke mein mere gaus ke ho door andhera Turbat ho munawwar meri anwar e nabi se Ae Zaeer e Tayba ye dua kar mere haq mein Mujko bhi bulawa mile darbar e nabi se Usshak ke aansu nahin thamte dame rukhsat Jab suu e watan jate hein darbar e nabi se Jalwon se khudaya mera sina ho madina Aankhen bhi hon thandi meri deedar e nabi se Attar hai imaan ki hifazat ka sawali Khali nahin jayega ye darbare nabi se

Aise hote hein ali ke naukar Lyrics

Aise hote hein ali ke naukar Aise hote hein ali ke naukar Wakt par wakt ki raftar badal dete hein Fitrate khanjaro talwar badal dete hein Daar par lehja e guftar badal dete hein Zere khanjar bhi sada dete hein haidar haidar Aise hote hein ali ke naukar Tumne maula ki mahobbat ka nazara dekha Lashkare kufr ziyada tha magar har gaya Chand afrad ne labnan ka naksha badla Bhagne wale zara dekh to pichhe mud kar Aise hote hein ali ke naukar Ishke haidar ki ye tableeg kiya karte hein Aise deewane hein danaee ata karte hein Akl waale inhe behlore kaha karte hein Haan mitti se bana dete hein ye khuld ke ghar Aise hote hein ali ke naukar Kasr be'yat ke sutunon ko girane ke liye Apna ghar qalbe payambar mein banane ke liye Jutiyna sibate payambar ki uthane ke liye Hurr ne haste hue duniya ko laga di thokar Aise hote hein ali ke naukar Marke bhi ulfate haidar nahi marne deti Baat ye hazrate salman ne sabit kardi Ba'd marne ke agar inko bulayenge ali

Hai itni shadeed ab to tamanna e madina Lyrics

Hai itni shadeed ab to tamanna e madina Har sans se aati hai sada haae madina Jaagun to isi dhun mein rahun raat gaye tak So jaaun to khwabon mein nazar aaye madina Mat aur kisi shaher ki rudad sunao Shaida e madina hun mein shaida e madina Makka tu bhi afzal hai magar itna batade Har shaher se bad kar muje kyun bhaye madina Ho jaae ata rakhte safar izne safar bhi Ho jaae karam mujpe ab aaqa e madina Khwahish hai ke ab jaake na lotun mein waha se Nazish muje takdeer jo dikhlae madina

Dayare data se ho kar jo mushk bu aaye Lyrics

Image
Dayare data se ho kar jo mushk bu aaye Saba ko chahiye uske kadam ko chhu aaye Ye makabat dare data pe kaise pahunchau Na khush-bayan hun na andaz e guftagu aaye Ye khwab hai ke gulamon mein tere shamil hun So ganj-bakhsh ye tabir hu-bahu aaye Ba faize data kamale sukhan kadam chume Jab huzure data hamari bhi guftagu aaye Mile wo sham'a ke irfaano aagehi chamke Har taare nafas se sada e huu aaye

Aah ! har lamha gunah ki kasrato bharmar hai Lyrics

Aah ! har lamha gunah ki kasrato bharmar hai Galba e shaitan hai aur nafse bad-atwar hai Mujrimon ke waste dozakh bhi sho'ala baar hai Har gunah kasdan kiya hai iska bhi ikrar hai Haaye na-farmaniyan bad-kariyan be-bakiyan Aah ! naame mein gunahon ki padhi bharmar hai Chhup ke logon se gunahon ka raha hai silsila Tere aage Ya khuda ! har jurm ka iz'har hai Ya khuda rehmat teri haawi hai tere kehr par Fazlo rehmat ke sahare jee raha badkar hai Banda e badkar hun be-had zaleelo khaar hun Magfirat farma Ilahi ! Tu bada Gaffar hai Ab sare balein khudara muskurate aaeeye Jaan balab shahe madina talibe deedar hai Gusl dene ke liye gassal bhi ab aa chuka Gusle mayyat ho raha hai aur kafan tayyar hai Ya nabi ! pani se saara jism mera dhul gaya Naama e aa'mal ko bhi gusl ab darkar hai Laad kar kandhon pe ahbab aah ! kabristan chale Wasite tadfeen ke gehra ghada tayyar hai Qabr mein mujko lita kar aur mitti dal kar Chal diye sathi na paas

Dilon se gham mitata hai Muhammad naam aisa hai Lyrics

Dilon se gham mitata hai Muhammad naam aisa hai Nagar ujade basata hai Muhammad naam aisa hai Unhi ke naam se paayi  Fakiron ne shahenshahi Khuda se bhi milata hai Muhammad naam aisa hai Unhi ke zikr se roshan Rutein fir laut aati hein Nasibon ko jagata hai Muhammad naam aesa hai Duroodon ki mahek se  Mehfilein abad rehti hein Meri naatein sajata hai Muhammad naam aesa hai Mohabbat ke kamal khilte hein Unko yaad karne se Badhi khushbuein lata hai Muhammad naam aisa hai Madad hasil hai mujko  Har gadi shahe madina ki Meri bigdi banata hai Muhammad naam aisa hai Mein Fakhri fikre duniya  Akhirat sab bhul jaata hun Mujhe jab yaad ata hai Muhammad naam aisa hai

Quraane paak se zahir makam hai ke nahin Lyrics

Quraane paak se zahir makam hai ke nahin Khuda ke ba'd muhammad ka naam hai ke nahin Quraane paak se zahir makam hai ke nahin Ham unko fakhre rasulaan kahein to hairat kya Batao unpe nabuwat tamam hai ke nahin Quraane paak se zahir makam hai ke nahin Baroze hashr shafa'at karegi sab se sawal Bata de mere nabi ka gulam hai ke nahin Quraane paak se zahir makam hai ke nahin Baja ke deen muhammad ka ham ko dawa hai Ye deen jinse mila unse kaam hai ke nahin Quraane paak se zahir makam hai ke nahin Karam ki baat to jab hai wo puchhein maheshar mein Mere gulam mein ishrat ka naam hai ke nahin

Ye chamak ye damak Lyrics

Ye chamak ye damak  Ye faban ye mahek Sab kuchh sarkar tumhi se hai Chume sainyan ke kadam Padh tohre charan Jiwan mein bahar tumhi se hai Ye chamak ye damak  Ye faban ye mahek Sab kuchh sarkar tumhi se hai Mere ishk ko nisbat hai tumse Mera aarish shingar tumhi se hai Chume sainyan ke kadam Padh tohre charan Jiwan mein bahar tumhi se hai Mein toh bhul gayee sab sukh chaina Mori jab se ladheh tum sang naina Mori rag rag mein hai peet tori Ankhiyan mein khumar tumhi se hai Chume sainyan ke kadam Padh tohre charan Jiwan mein bahar tumhi se hai Muje khauf nahin hai duniya ka Mere sar pe tumhara saya hai Meri kashti ke khewan-har ho tum Mera beda paar tumhi se hai Chume sainyan ke kadam Padh tohre charan Jiwan mein bahar tumhi se hai Mera koi nahin hai duniya mein Mera kaul karaar tumhi se hai Mein aur kahan soda bechun Mera sab wyapar tumhi se hai Chume sainyan ke kadam Padh tohre charan Jiwan mein bahar tumhi se hai

Meraje Nabi Sub'han Allah Lyrics || Hafiz Tahir Qadri

Image
Meraj e Nabi Sub'han Allah Meraj e Nabi Sub'han Allah Sub'han Allah Sub'han Allah Sub'han Allah Sub'han Allah Mere Muhammad pyare Bane Hein dul'ha dul'ha Mere Muhammad bane hein dulha Wo sarware kishware risalat Jo arsh par jalwagar hue the Naye nirale tarab ke saman Arab ke mehman ke liye the Mere Muhammad pyare Bane Hein dul'ha dul'ha Mere Muhammad bane hein dulha Bahar hai shadiyan mubarak Chaman ko abadiyan mubarak Malak Falak apni apni leh mein Ye gur ana dil ka bolte the Waha falak par yaha zameen mein Rachi thi shadi machi thi dhoomein Udhar se anwar hanste aate Idhar se naf'hat uth rahe the Mere Muhammad pyare Bane Hein dul'ha dul'ha Mere Muhammad bane hein dulha Khushi ke badal umat ke aaye Dilon ke taoos rang laaye Wo nagma e naat ka sama tha Haram ko khud vajd aa rahe the Ye jhuma mizabe zar ka jhumar Ke aa raha kaan par thalak kar Fuhar barsi to moti jhad kar Hateem ki ghod mein

Muhammad muhammad madina madina Lyrics

Dikhade ilahi wo pyara madina Ilahi bana de madina ye sina Mein mar jaaun mere kafan pe ye likhna Muhammad muhammad madina madina Chali jis taraf se nabi ki sawari Shajar ne hajar ne di juk kar salami Sabhi kar rahe hein nabi ki gulami Nabi ne sikhaya har ek sha'e ko jina Muhammad muhammad madina madina Khade hein sawali dare mustafa par Wahan koi aala na koi tawangar Chalo aao mange habeebe khuda se Ke hathon mein hai jiske sara khazina Muhammad muhammad madina madina Bulalo madine mein aqa bulalo Gira ja raha hun sambhalo sambhalo Khatakar hun mujko aaqa nibhalo Lagado mera paar aaqa safina Muhammad muhammad madina madina Kiya jab bhi karte the aaqa ibadat To qur'aan karta tha unki tilawat Ye aisa khuda ki kasam mo'jaza hai Mila inke sadke se bakhshish ka zina Muhammad muhammad madina madina Ye aankhon ka rona ye dil ka tadapna Tasawwur mein aaqa ke dar se lipatna Dare mustafa par kahunga mein ja kar Yahin mera marna yahin mera j

Tajdare madina ke jalway Lyrics

Tajdare madina ke jalway Jin ke dil mein samaye hue hein Door reh kar wo pur ba aashna hein Dil madina banaye hue hein Jinko unki tawajjoh ne pala Unki rehmat ne jinko nawaza Un gadaon ka kya puchhte ho Wo zamane pe chhaye hue hein Mere aaqa ki jin par nazar hai Donon aalam ki unko khabar hai Jinka maksood unka hi dar hai Saare asraa wo paaye hue hein Aale at'har ka sadka ata ho Muflisi ka hamari bhala ho Ae sakhi aap ke dar pe ham bhi Damane dil bichhaye hue hein Tees paron mein jo kuchh likha hai Sar ba sar sirate mustafa hai Unki sirat mein jo dhal gaya hai Us pe rehmat ke saaye hue hein Meri aukat kuchh bhi nahin hai Khud meri zaat kuchh bhi nahin hai Mere sarkar ka ye karam hai Baat meri banaye hue hein Aarazu e karam dil mein le kar Khali dil ke sakhi aastan par Angaliyan auliya asfiyan sab Apne kaase badhae hue hein

Facebook Page

Followers